مالايعرفه الكثيرون عن برنامج internet download manager
كاتب الموضوع
رسالة
Supersonic Admin
المساهمات : 254 تاريخ التسجيل : 09/06/2008 العمر : 31
موضوع: مالايعرفه الكثيرون عن برنامج internet download manager الأربعاء مارس 03, 2010 8:21 pm
يسعدنى انى اقدم النهاردة لمنتدانا الغالى واعضائه الكرام بعض المعلومات عن استخددام برنامج التحميل الرهيب والاقوى بلا منازع Internet download manager
هذه المعلومات قد يعلمها البعض وقد يجهلها الاخرون فاتمنى ان تستفيدوا منها خير الاستفادة
بعض التساؤلات انا عن نفسى كنت اتمنى انى اعرفها عن هذا البرنامج وسعدت جدا عندما عرفتها مثل
ليه البرنامج متوافق مع متصفحات ومتصفحات لا؟
هل ممكن لما الداونلود يخلص البرنامج يدينى اى اشارة بحيث انى لو مش قاعد عالجهاز اخد بالى بدل ما كل شوية اشوف خلص ولا لا؟
هل السرعة ممكن تزيد ولو شوية صغيرين كمان ؟
هل ممكن احدد السرعة اللى بحمل بيها بحيث ما اثرش على الناس اللى معايا فى الشبكة ؟
هل ممكن احط اكتر من داونلوود ورا بعض بحيث لما واحد يخلص ينزل التانى تلقائيا يعنى احط اكتر من ملف يتحمل واحد واحد ومش مع بعض ولما واحد يخلص ينزل التانى من غير مانا احطهم فانام بقى واسيبه مع نفسه ؟
طب ممكن البرنامج يقفل الجهاز لما يخلص الداون لوود ؟
البرنامج مبيرضاش يخلينى احمل الفيديوهات ال RMVB اعمل ايه؟
احيانا الواحد يحط داونلود ويسيبه ويخرج او ينام او اى حاجة يجى يبص يلاقيه واقف عند 80% او اى حاجة يجى يعمله resume ميرضاش رغم ان الموقع اللى بيحمل منه بيدعم الاستكمال مش ده حرام بردو ؟
الاسئلة دى اعتقد ناس كتير سالتها بعضهم لقى الاجابة والاخرين لا اتمنى من خلال الشرح التالى اقدر اجاوب عنها
السؤال الاول
ليه البرنامج متوافق مع متصفحات ومتصفحات لا يعنى ليه بعض المتصفحات مش بعرف انزل منها عن طريق البرنامج ده ؟
علشان حاجة اسمها ال INTEGRATION وعشان تضمن انك تخلية INTEGRATE مع كل المتصفحات
*خش OPTION - GENERAL *علم على USE ADVANCED BROWSER INTEGRATION *هيقولك عاوز يعمل ريستارت معلش خليها عليك واعمل
السؤال الثانى
هل ممكن لما الداونلود يخلص البرنامج يدينى اى اشارة بحيث انى لو مش قاعد عالجهاز اخد بالى بدل ما كل شوية اشوف خلص ولا لا؟
ياسلام بس كده لو عاوزه يزغرد كمان ياسيدى
*خش OPTION-SOUND *علم عالاختيارات اللى انت عاوزها ونقى الموسيقى اللى تعجبك من على جهازك بس تكون بصيغة WAV ولو معندكش الصيغة دى حاططلك تحت برنامج بيحول لكل الصيغ اللى تحبها وحاططلك مقطوعتين انا بستخدمهم
السؤال الثالث
هل السرعة ممكن تزيد ولو شوية صغيرين كمان ؟
يعنى هيا مش هتزيد قوى بس هتحس بفرق
*خش OPTION-CONNECTION زود الرقم اللى فى الصورة ل 16
السؤال الرابع
هل ممكن احدد السرعة اللى بحمل بيها بحيث ما اثرش على الناس اللى معايا فى الشبكة ؟
طبعا تقدر -كليك يمين على ايقونة البرنامج اللى جنب الساعة واعمل زى الصور
السؤال الخامس
هل ممكن احط اكتر من داونلوود ورا بعض بحيث لما واحد يخلص ينزل التانى تلقائيا يعنى احط اكتر من ملف يتحمل واحد واحد ومش مع بعض ولما واحد يخلص ينزل التانى من غير مانا احطهم فانام بقى واسيبه مع نفسه ؟
سؤال جميل جدا جدا وناس كتير متعرفوش بس قبل مااجاوبة لازم اقولك حاجتين
ان ده تقدر تعمله مع المواقع اللى تدعم استكمال التحميل وانا عن نفسى بفضل المواقع دى وبفرح اوى لما بلاقيها
زى ال MEDIAFIRE IFILE FILESEND ADRIVE
-ممكن الحركة دى تعلق معاك احيانا حسب ظروف الموقع خاصة اخر اتنين
المهم ازاى تعملها
*اول حاجة لازم تعطل الخيار ده وانا افضل انك تعطله اول ماتسطب البرنامج اساسا
*لما بتيجى تعمل داونلود بيطلعلك البوكس ده وبتضغط داونلوود على طول هنا بقى هتضغط DOWNLOAD LATER
*عاوز تنزل ملف تانى كرر الخطوه دى مع بقية الملفات مع نفسك ملف اتنين تلاته اربعة المهم DOWNLOAD LATER
*هتلاقى البرنامج فى واجهته الرئيسية بقى كده
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 652x341 الابعاد 44KB.
كده عسل
*هتلاقى فى واجهة البرنامج كلمة SCHEDULERبشكل منبه كده خش فيها
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 652x341.
*هتلاقى فوق FILE IN QUEUE خش فيها وقلل الرقم لواحد عشان تحمل واحد واحد مش اتنين او اكتر فى نفس الوقت
واضغط بقى START NOW عشان تبدا الجدول التحميلى وواضح كمان انك تقدر تحدد مين اول واحد ينزل ومين التانى وكده براحتك
السؤال السادس
طب ممكن البرنامج يقفل الجهاز لما يخلص الداون لوود ؟
اه عشان تنام بقى وتستريح نفس الخيار بتاع SCHEDULER واعمل زى الصورة وعلى فكرة الخيار ده تقدر تعمله لو حتى انت حاطط داونلود واحد بس بس ابقى اضغط START QUEUE
السؤال السابع
البرنامج مبيرضاش يخلينى احمل الفيديوهات ال RMVB اعمل ايه؟
سهله دى *خش OPTION-FILETYPES
هتلاقى صيغ كتيره محطوطه بعد اخر واحد اعمل مسافة واكتب RMVB
السؤال الثامن والاخير
احيانا الواحد يحط داونلود ويسيبه ويخرج او ينام او اى حاجة يجى يبص يلاقيه واقف عند 80% او اى حاجة يجى يعمله resume ميرضاش رغم ان الموقع اللى بيحمل منه بيدعم الاستكمال مش ده حرام بردو ؟
عندك حق احيانا فعلا السيرفرات بتعمل كده لسبب او لاخر او واحد ابن حلال قطع عنك النت لفترة بنت حلال فالسيرفر راح موقف التحميل
المهم هتعمل ايه هتعمل كالاتى
سيب الملف اللى مش راضى يكمل تحميل فى حاله متجيش جنبه اوعى تمسحه من قايمة البرنامجاعمل خطوات انك بتحمل اللينك عادى جدا يعنى كانك هتحمله من اول وجديد لغاية لما توصل لل box ده
اعمل كوبى لل URL كله واتأكد انك عملت كوبى ليه كله مسبتش حرف واحدروح للملف اللى مش راضى يكمل وكليك يمين واختار properties
هتطلعلك النافذة دى شيل اللينك اللى انا مشاور عليه واعمل paste للURL اللى انت عملتله كوبى ولضغط OK
ارجع لواجهة البرنامج الرئيسية واضغط RESUME للملف اللى مكنش راضى يكمل وباذن الله هيكمل
الخط الاحمر اللى فى الصور ده عشان انا كنت بنزل الملف ده من موقع اخر فمنعا للاعلانات وحفاظا على قوانين المنتدى
